മംഗളൂരു ഉ​ള്ളാ​ൾ സഹ. ബാ​ങ്ക് ക​വ​ർ​ച്ച: 12 കോ​ടി​ കവർന്ന സം​ഘം കടന്നത് കേ​ര​ള​ത്തി​ലേക്ക്?

മം​ഗ​ളൂരു: ഉ​ള്ളാ​ൾ കെ​സി റോ​ഡി​ലെ സ​ഹ​ക​ര​ണ​ബാ​ങ്ക് ശാ​ഖ​യി​ൽ പ​ട്ടാ​പ്പ​ക​ൽ ജീ​വ​ന​ക്കാ​രെ തോ​ക്കി​ൻ​മു​ന​യി​ൽ നി​ർ​ത്തി 12 കോ​ടി​യി​ലേ​റെ വി​ല​മ​തി​ക്കു​ന്ന സ്വ​ർ​ണ​വും പ​ണ​വും ക​വ​ർ​ന്ന സം​ഘം ക​ട​ന്ന​ത് കേ​ര​ള​ത്തി​ലേ​ക്കാ​ണെ​ന്ന സം​ശ​യം ബ​ല​പ്പെ​ടു​ന്നു. ആ​റം​ഗ കൊ​ള്ള​സം​ഘം സ​ഞ്ച​രി​ച്ച​തെ​ന്നു ക​രു​തു​ന്ന ചാ​ര​നി​റ​ത്തി​ലു​ള്ള ഫി​യ​റ്റ് കാ​ർ വെ​ള്ളി​യാ​ഴ്ച ഉ​ച്ച​യ്ക്ക് ഒ​ന്ന​ര​യോ​ടെ ദേ​ശീ​യ​പാ​ത​യി​ൽ കേ​ര​ള അ​തി​ർ​ത്തി​യി​ലെ ത​ല​പ്പാ​ടി ചെ​ക്ക് പോ​സ്റ്റ് ക​ട​ന്നു​വ​രു​ന്ന​തി​ന്‍റെ സി​സി​ടി​വി ദൃ​ശ്യം പോ​ലീ​സി​ന് ല​ഭി​ച്ചി​ട്ടു​ണ്ട്.

ബാ​ങ്ക് കൊള്ളയടിച്ച് ക​വ​ർ​ച്ചാ സാ​ധ​ന​ങ്ങ​ളും ആ​യു​ധ​ങ്ങ​ളു​മാ​യി പു​റ​ത്തി​റ​ങ്ങി​യ സം​ഘം ഭീ​ക​രാ​ന്ത​രീ​ക്ഷം സൃ​ഷ്ടി​ച്ചശേഷംകാ​റി​ൽ ക​യ​റി മം​ഗ​ളൂ​രു ഭാ​ഗ​ത്തേ​ക്കാ​ണ് ഓ​ടി​ച്ചു​പോ​യ​തെ​ന്ന് നേ​ര​ത്തേ ദൃ​ക്സാ​ക്ഷി​ക​ൾ പ​റ​ഞ്ഞി​രു​ന്നു. എ​ന്നാ​ൽ, ഇ​ത് അ​ന്വേ​ഷ​ണ​ത്തെ വ​ഴി​തെ​റ്റി​ക്കാ​നു​ള്ള ശ്ര​മ​മാ​യി​രി​ക്കാ​മെ​ന്നാ​ണ് ഇ​പ്പോ​ൾ പോ​ലീ​സ് ക​രു​തു​ന്ന​ത്. മം​ഗ​ളൂ​രു ഭാ​ഗ​ത്തേ​ക്ക് കു​റ​ച്ചു​ദൂ​രം മു​ന്നോ​ട്ടു​പോ​യ ശേ​ഷം വ​ണ്ടി തി​രി​ച്ചി​രി​ക്കാ​മെ​ന്നാ​ണ് സൂ​ച​ന. ഇന്നലെ രാ​വി​ലെ പ​തി​നൊ​ന്ന​ര​യ്ക്കും പ​ന്ത്ര​ണ്ട​ര​യ്ക്കും ഇ​ട​യി​ലാ​ണ് ക​വ​ർ​ച്ച ന​ട​ന്ന​ത്. ഒ​ന്ന​ര​യോ​ടെ​യാ​ണ് ഈ ​കാ​ർ ത​ല​പ്പാ​ടി​യി​ലെ​ത്തി​യ​താ​യി കാ​ണു​ന്ന​ത്.

ത​ല​പ്പാ​ടി​യി​ൽ നി​ന്ന് കാ​ർ നേ​രെ കാ​സ​ർ​ഗോ​ഡ് ഭാ​ഗ​ത്തേ​ക്ക് വ​ന്നി​ട്ടു​ണ്ടോ എ​ന്ന കാ​ര്യ​ത്തി​ൽ സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ക്കു​ന്നു​ണ്ട്. ഇ​ക്കാ​ര്യ​ത്തി​ൽ കേ​ര​ള പോ​ലീ​സി​ന്‍റെ സ​ഹാ​യ​വും തേ​ടി​യ​താ​യാ​ണ് സൂ​ച​ന. ഈ ​കാ​റി​ന്‍റെ ന​മ്പ​ർപ്ലേ​റ്റ് വ്യാ​ജ​മാ​ണെ​ന്നും പോ​ലീ​സ് ക​ണ്ടെ​ത്തി​യി​ട്ടു​ണ്ട്. കോ​ട്ടേ​ക്കാ​ർ കാ​ർ​ഷി​ക സ​ഹ​ക​ര​ണ​ബാ​ങ്കി​ന്‍റെ ഉ​ള്ളാ​ൾ കെ​സി റോ​ഡ് ശാ​ഖ​യി​ലാ​ണ് ക​വ​ർ​ച്ച ന​ട​ന്ന​ത്.

രാ​വി​ലെ പ​തി​നൊ​ന്ന​ര​യോ​ടെ ചാ​ര​നി​റ​ത്തി​ലു​ള്ള ഫി​യ​റ്റ് കാ​റി​ൽ മു​ഖം​മൂ​ടി ധ​രി​ച്ചെ​ത്തി​യ സം​ഘ​ത്തി​ലെ അ​ഞ്ചു​പേ​രാ​ണ് തോ​ക്കു​ക​ളും വ​ടി​വാ​ളു​ക​ളു​മാ​യി ബാ​ങ്കി​ന​ക​ത്തേ​ക്ക് ക​യ​റി​യ​ത്. മൂ​ന്ന് വ​നി​ത​ക​ള​ട​ക്കം നാ​ല് ജീ​വ​ന​ക്കാ​രും പു​റ​ത്തു​നി​ന്നെ​ത്തി​യ ഒ​രു സി​സി​ടി​വി ടെ​ക്നീ​ഷ്യ​നും മാ​ത്ര​മാ​ണ് അ​പ്പോ​ൾ ബാ​ങ്കി​ന​ക​ത്തു​ണ്ടാ​യി​രു​ന്ന​ത്. ഇ​വ​രെ തോ​ക്കി​ൻ​മു​ന​യി​ൽ നി​ർ​ത്തി ലോ​ക്ക​റു​ക​ളു​ൾ​പ്പെ​ടെ തു​റ​പ്പി​ച്ചാ​ണ് ക​വ​ർ​ച്ചാ​സം​ഘം 12 കോ​ടി​യോ​ളം രൂ​പ​യു​ടെ സ്വ​ർ​ണ​വും അ​ഞ്ച് ല​ക്ഷം രൂ​പ​യും ക​വ​ർ​ന്ന​ത്.