കിടപ്പുമുറിയിലെയും ഹാളിലെയും അലമാരയുടെയും മേശയുടെയും മറ്റും ഡോറുകള്‍ തുറന്നു സാധനങ്ങള്‍ പുറത്തുവലിച്ചിട്ട നിലയിലാണ്. അലമാരയില്‍ സൂക്ഷിച്ച കുട്ടികളുടെ രണ്ടുവള, രണ്ടു ചെയിൻ, കൈച്ചെയിൻ, മാല തുടങ്ങിയവയാണ് മോഷണം പോയത്. ജാഫറിന്‍റെ ഭാര്യയുടെ ഉമ്മ തിങ്കളാഴ്ച രാവിലെ പതിനൊന്നൊടെ വീട്ടിലെത്തിയപ്പോഴാണ് വീടിന്‍റെ മുൻഭാഗത്തെ വാതില്‍ തകർത്ത നിലയില്‍ കണ്ടെത്തിയത്. തുടർന്നു മട്ടന്നൂർ പോലീസില്‍ പരാതി നല്‍കുകയായിരുന്നു.
മട്ടന്നൂർ എസ്‌എച്ചഒ എം. അനിലിന്‍റെ നേതൃത്വത്തില്‍ പോലീസ് സ്ഥലത്തെത്തി അന്വേഷണം നടത്തി. കണ്ണൂരില്‍നിന്ന് ഡോഗ് സ്ക്വാഡും ഫോറൻസിക് വിഭാഗവും വീട്ടിലെത്തി പരിശോധന നടത്തി. ഡോഗ് മണം പിടിച്ച്‌ റോഡിലൂടെ ഓടിയെങ്കിലും ഒന്നും കണ്ടെത്താനായില്ല. കവർച്ച നടന്ന വീട്ടില്‍ സിസിടിവി കാമറകള്‍ സ്ഥാപിച്ചിരുന്നുവെങ്കിലും ഇതു പ്രവർത്തിക്കുന്നില്ല. ജാഫറും കുടുംബവും ബംഗളൂരുവിലാണ് ഇപ്പോള്‍ താമസിച്ചുവരുന്നത്.
إرسال تعليق