ഇരിട്ടി: ഇരിട്ടി ബസ് സ്റ്റാൻഡിൽ സ്വകാര്യ ബസിൽ നിന്നും പണമടങ്ങിയ ബാഗും ടിക്കറ്റ് മെഷീനും മോഷ്ടിച്ചു. തിങ്കളാഴ്ച രാവിലെ 11 മണിയോടെ ആയിരുന്നു സംഭവം. ഇരിട്ടി ചെറുപുഴ റൂട്ടിൽ സർവീസ് നടത്തുന്ന ആനന്ദ് ബസ് ചെറുപുഴയിലേക്ക് പോകുന്നതിനായി പുതിയ ബസ് സ്റ്റാൻഡിൽ നിർത്തിയിട്ടപ്പോൾ ആണ് മോഷണം നടന്നത്. കണ്ടക്ടർ പണമടങ്ങിയ ബാഗും ടിക്കറ്റ് മെഷീനും പിറകു വശത്തെ സീറ്റിനടിയിൽ വെച്ചു പുറത്തിറങ്ങിയപ്പോൾ ആണ് മോഷണം. ബസ് പുറപ്പെട്ടതിനു ശേഷം യാത്രക്കാർക്ക് ടിക്കറ്റ് നൽകുന്നതിനായി റ്റിക്കെറ്റ് മെഷീൻ നോക്കുമ്പോഴാണ് മോഷണം പോയത് അറിഞ്ഞത്. ഉടൻ സി സി ടി വി പരിശോധിച്ചപ്പോൾ മോഷ്ടാവ് സി സി ടി വി യിൽ പതിഞ്ഞിട്ടുണ്ടായിരുന്നു. ഉടൻ തന്നെ ഇരിട്ടി പോലീസിൽ പരാതി നൽകി.
إرسال تعليق