മസ്കറ്റ്: ഒമാനിലെ വടക്കന്‍ ശര്‍ഖിയയില്‍ ഇന്ധന ടാങ്കറിന് തീപിടിച്ച് ഡ്രൈവര്‍ മരിച്ചു. ബിദ്ബിദിലെ ശര്‍ഖിയ എക്സ്പ്രസ് വേയിലേക്കുള്ള പാലത്തിലാണ് സംഭവം ഉണ്ടായത്.
ബുധനാഴ്ച പുലര്‍ച്ചെയാണ് തീപിടിത്തമുണ്ടായത്. ഇന്ധന ടാങ്കര്‍ മറിഞ്ഞതിനെ തുടര്‍ന്ന് തീ പടര്‍ന്നുപിടിക്കുകയായിരുന്നു. തുടര്‍ന്ന് സിവില്‍ ഡിഫന്‍സ് ആന്‍ഡ് ആംബുലന്‍സ് അതോറിറ്റിയിലെ അംഗങ്ങള്‍ സ്ഥലത്തെത്തി മണിക്കൂറുകള്‍ നീണ്ട പരിശ്രമത്തിനൊടുവിലാണ് തീ നിയന്ത്രണവിധേയമാക്കിയത്. മരണപ്പെട്ട ഡ്രൈവര്‍ ഏത് രാജ്യക്കാരനാണെന്ന് വ്യക്തമല്ല.
إرسال تعليق