കണ്ണൂർ: ലോക്സഭാ തിരഞ്ഞെടുപ്പിൽ വോട്ടെണ്ണൽ പുരോഗമിക്കവേ കണ്ണൂരിൽ ശക്തമായ മുന്നേറ്റവുമായി കെ സുധാകരൻ കുതിക്കുന്നു. ആദ്യ ഘട്ടത്തിൽ എംവി ജയരാജനും ഒപ്പത്തിനൊപ്പം നിന്നപ്പോൾ പിന്നീട് സുധാകരൻ ഒറ്റയ്ക്ക് മുന്നേറുന്ന കാഴ്ചയാണ് കാണാൻ കഴിഞ്ഞത്. കണ്ണൂരിൽ ഒരുവട്ടം കൂടി സുധാകരൻ എത്തുമോ എന്ന ചോദ്യത്തിലേക്കാണ് ഇപ്പോഴത്തെ സാഹചര്യങ്ങൾ വിരൽ ചൂണ്ടുന്നത്.
നിലവിൽ സുധാകരന്റെ ലീഡ് നില മുപ്പതിനായിരം കടന്നുവെന്നാണ് ലഭ്യമാവുന്ന വിവരം. ആദ്യഘട്ടത്തിൽ പതിയെ പോയ ലീഡ് നില പിന്നീട് കുതിച്ചു കയറുകയായിരുന്നു. എംവി ജയരാജൻ കടുത്ത എതിരാളിയാവുമെന്ന കരുതിയിരുന്ന കണ്ണൂർ മണ്ഡലത്തിൽ പക്ഷേ സുധാകരന്റെ ഏകപക്ഷീയമായ മുന്നേറ്റമാണ് കാണാൻ കഴിയുന്നത്.
إرسال تعليق