കണ്ണൂർ: കണ്ണൂർ ശ്രീകണ്ഠാപുരം രാജീവ് ഗാന്ധി സഹകരണ ആശുപത്രിയ്ക്ക് മുന്നില് കൂട്ടത്തല്ല്. സംഭവത്തില് കെപിസിസി അംഗം ഉള്പ്പെടെ ആറ് പേർക്കെതിരെ കേസ് എടുത്തിട്ടുണ്ട്.
പണമിടപാടിനെ ചൊല്ലി ആരംഭിച്ച തർക്കം പിന്നീട് ഒരു കൂട്ടത്തല്ലില് അവസാനിക്കുകയായിരുന്നു. ഇരിക്കൂർ സ്വദേശിയുടെ മകന് മുഹമ്മദ് ബ്ലാത്തൂറിന്റെ മകൻ പണം നല്കാൻ ഉണ്ടെന്നായിരുന്നു ആക്ഷേപം. ഇതാണ് പ്രശ്നത്തിന് തുടക്കമിട്ടത്. സംഭവത്തില് പൊലീസ് സ്വമേധയ കേസെടുത്തു. പൊതുശല്യത്തിനാണ് കേസെടുത്തിരിക്കുന്നത്. ആശുപത്രിയുടെ മുന്നില് വാഹനങ്ങള് അടക്കം തടഞ്ഞ് വലിയ രീതിയില് തർക്കമുണ്ടായിരുന്നു. സംഭവത്തിന്റെ ദൃശ്യങ്ങള് പുറത്തുവന്നിട്ടുണ്ട്. കേസില് അന്വേഷണം നടത്തിവരികയാണ്. പണമിടപാട് തന്നെയാണോ പ്രശ്നത്തിന് കാരണമെന്നത് അടക്കം പൊലീസ് അന്വേഷിക്കും.
إرسال تعليق