കത്തില് തുടര്നടപടിയുണ്ടാകാത്ത സാഹചര്യത്തിലാണ് എംഡി അവധിയില് പ്രവേശിച്ചതെന്നാണ് വിവരം.
കെഎസ്ആര്ടിസി സിഎംഡി ബിജു പ്രഭാകര് ഈ മാസം 17വരെ അവധിയില് പ്രവേശിച്ചു. ചീഫ് സെക്രട്ടറിയ്ക് കെഎസ്ആര്ടിസി സിഎംഡി സ്ഥാനത്തുനിന്ന് ഒഴിവാക്കണമെന്നാവശ്യപ്പെട്ട് കത്ത് നല്കിയതിന് പിന്നാലെയാണ് അവധിയെടുത്തത്.
കത്തില് തുടര്നടപടിയുണ്ടാകാത്ത സാഹചര്യത്തിലാണ് എംഡി അവധിയില് പ്രവേശിച്ചതെന്നാണ് വിവരം. ഗതാഗത മന്ത്രി ഗണേഷ് കുമാറുമായുള്ള നയപരമായ വിയോജിപ്പ് നിലനില്ക്കെയാണ് അവധി. എന്നാല്, വ്യക്തിപരമായ കാരണങ്ങള് നിമിത്തമാണ് അവധിയെടുക്കുന്നതെന്ന് ബിജു പ്രഭാകര് വ്യക്തമാക്കി.
അദ്ദേഹം എംഡി സ്ഥാനത്തിന് പുറമെ ഗതാഗത സെക്രട്ടറിയുടെ ചുമതലയും ഒഴിയാന് സന്നദ്ധത അറിയിച്ചതായാണ് വിവരം.ഇലക്ട്രിക് ബസ് ലാഭകരമല്ലെന്നും ഇനി വാങ്ങില്ലെന്നുമുള്ള കെബി ഗണേഷ് കുമാറിന്റെ പ്രസ്താവനയാണ് വിവാദമായത്. ഗണേഷ്കുമാര് കെഎസ്ആര്ടിസിയിലെ നയപരമായ തീരുമാനങ്ങളില് ഉള്പ്പെടെ ഏകപക്ഷീയമായ ഇടപെടല് നടത്തുന്നുവെന്ന ആരോപണവും ഇതിനുപിന്നാലെ ഉയര്ന്നു. അതിനിടെ ഗണേഷ് കുമാര് മന്ത്രിയായി ചുമതലയേറ്റതിന് പിന്നാലെ തന്നെ ബിജു പ്രഭാകര് സ്ഥാനമൊഴിയുമെന്ന അഭ്യൂഹവും ശക്തമായിരുന്നു. ഇതിനിടെയാണ് സ്ഥാനമൊഴിയാൻ ചീഫ് സെക്രട്ടറിയക്ക് കത്ത് നല്കിയത്. സ്ഥാനമൊഴിയുന്നത് സംബന്ധിച്ചുള്ള കത്ത് മുഖ്യമന്ത്രിയുടെ പരിഗണനയിലാണെന്നാണ് വിവരം.
إرسال تعليق