അബുദാബി: യുഎഇയില്‍ പുതിയ റിക്രൂട്മെന്റ് തൊഴിലാളി അനുപാതം പാലിക്കുന്നവർക്ക് മാത്രം. വിദേശികള്‍ നടത്തുന്ന സ്ഥാപനത്തിലെ ജീവനക്കാരില്‍ 20% വ്യത്യസ്ത രാജ്യക്കാരാകണമെന്നതാണ് നിയമം.
ഉദാഹരണത്തിന്, 5 പേരെ റിക്രൂട്ട് ചെയ്യുകയാണെങ്കില്‍ ഒരാള്‍ വ്യത്യസ്ത രാജ്യത്തു നിന്നാകണം എന്നതാണു നിബന്ധന. ആദ്യം ഇതര രാജ്യത്തെ തൊഴിലാളിയുടെ അപേക്ഷയാണു നല്‍കേണ്ടതും. ഇത് അംഗീകരിച്ചാല്‍ മറ്റു 4 പേർ ഒരേ രാജ്യക്കാരാണെങ്കിലും വീസ പാസാകും. നിലവിലുള്ള ജീവനക്കാരെല്ലാം ഒരേ രാജ്യക്കാരാണെങ്കില്‍ പുതുതായി റിക്രൂട്ട് ചെയ്യുന്നയാള്‍ വിദേശിയായിരിക്കണമെന്നും മാനവശേഷി സ്വദേശിവല്‍ക്കരണ മന്ത്രാലയം സൂചിപ്പിച്ചു. അതേസമയം, തൊഴില്‍ വീസ റദ്ദാക്കി 3 മാസം കവിയാത്തവരുടെ പുതിയ തൊഴില്‍ വീസ അപേക്ഷകള്‍ തൊഴില്‍ മന്ത്രാലയം സ്വീകരിച്ചു തുടങ്ങി.
إرسال تعليق