കഴിഞ്ഞ മാസം 18നാണ് മാക്കൂട്ടം പെരുമ്ബാടി ചുരത്തില്‍ 25-30 വയസ് പ്രായം തോന്നിക്കുന്ന അഴുകിയ നിലയിലുള്ള യുവതിയുടെ മൃതദേഹം കണ്ടത്. മാക്കൂട്ടം ബ്രഹ്‌മഗിരി വന്യജീവി സങ്കേതം പരിധിയില്‍ വരുന്ന വനം പ്രദേശത്ത് പ്ലാസ്റ്റിക് ശേഖരിക്കാൻ വനം വകുപ്പ് നിയോഗിച്ച സംഘത്തില്‍ പെട്ടവരാണ് മൃതദേഹം അടങ്ങിയ ട്രോളി ബാഗ് കണ്ടെത്തിയത്. കണ്ണവം പൊലീസ് സ്റ്റേഷൻ പരിധിയില്‍ നിന്ന് സമാന സമയത്ത് കാണാതായ യുവതിയെ കേന്ദ്രീകരിച്ചായിരുന്നു ആദ്യഘട്ട അന്വേഷണം. ബന്ധുക്കള്‍ക്ക് മൃതദേഹം തിരിച്ചറിയാൻ സാധിക്കാതെ വന്നതോടെ ഡി.എൻ.എ പരിശോധനയ്ക്ക് തയ്യാറെടുക്കുമ്ബോഴാണ് ഈ യുവതിയെ കണ്ടെത്തിയത്.
കണ്ണപുരത്ത് നിന്ന് കാണാതായ യുവതിയെ പറ്റിയും അന്വേഷണം നടത്തിയെങ്കിലും അതല്ലെന്ന് മനസിലാവുകയായിരുന്നു. മൈസൂരു, ബംഗളൂരു ചുമതല സംഘം തൃശ്ശൂരില്‍ നിന്ന് കാണാതായ യുവതിയെ കേന്ദ്രീകരിച്ച്‌ അന്വേഷണം തുടര്‍ന്നപ്പോള്‍ ആ യുവതിയെ കോയമ്ബത്തൂരില്‍ നിന്ന് കണ്ടെത്തി.
പേടിപ്പെടുത്തുന്ന കാട്
മാക്കൂട്ടം ചുരം പാതയില്‍ 18 കിലോമീറ്ററോളം വനമേഖലയാണ്. ഇത് സാധാരണ യാത്രക്കാരെ ഭയപ്പെടുത്തുന്നതും നിയമവിരുദ്ധ പ്രവര്‍ത്തനങ്ങള്‍ നടത്തുന്നവരുടെ സങ്കേതവുമാണ്. റോഡിന്റെ വലതുവശം ബ്രഹ്‌മഗിരി വന്യജീവി സങ്കേതവും ഇടതുവശം ചെറുപുഴ മുണ്ടറോഡ് വരെ അതിരിടുന്ന മാക്കൂട്ടം റേഞ്ച് വനമേഖലയുമാണ്. ഈ മേഖലയില്‍ പൊലീസ് പരിശോധനയും പട്രോളിംഗും ശക്തമാക്കണമെന്ന ആവശ്യം ഉയര്‍ന്നു.
إرسال تعليق