ഇരിട്ടി: തില്ലങ്കേരിയിൽ പോലീസ് ചമഞ്ഞു യുവതിയെ തടഞ്ഞു നിർത്തി ബാഗ് പരിശോധിക്കാൻ ശ്രമിച്ച നാല് യുവാക്കൾക്കെതിരെ മുഴക്കുന്ന് പോലീസ് കേസ് എടുത്തു. യുവതിയുടെ പരാതിയെ തുടർന്ന് തില്ലെങ്കേരി സ്വദേശികളായ സുബിൻ, വൈഷ്ണവ് അഭിഷേക്,മിഥുൻ എന്നിവർക്കെതിരെയാണ് മുഴക്കുന്ന് പോലീസ് കേസ് എടുത്തത്. ബുധനാഴ്ച ഉച്ചക്ക് പഞ്ചായത്തിലെ കേരളോത്സവത്തിൽ പങ്കെടുത്തു മടങ്ങുന്നതിനിടെ ആയിരുന്നു സംഭവം. പോലീസ് ചമഞ്ഞ യുവാക്കൾ ബാഗ് പരിശോധിക്കണമെന്ന് ആവശ്യപ്പെട്ടുകൊണ്ട് ഭീഷണിപ്പെടുത്തുകയായിരുന്നു എന്നു യുവതി നൽകിയ പരാതിയിൽ പറയുന്നു. പോലീസ് ആണെന്ന് തെളിയിക്കുന്നതിനുള്ള രേഖകൾ കാണിക്കണമെന്ന് യുവതി ആവശ്യപ്പെട്ടപ്പോൾ യുവാക്കൾ മുങ്ങുകയായിരുന്നു. തുടർന്ന് പോലീസ് എത്തി സി സി ടി വി ദൃശ്യങ്ങൾ പരിശോധിച്ചതിലൂടെ പ്രതികളെ തിരിച്ചറിയുകയായിരുന്നു. പ്രതികളെ പോലീസ് കസ്റ്റഡിയിലെടുത്തു.
إرسال تعليق