പ്രമുഖ മത പണ്ഡിതനുംസമസ്ത കേരള ജംഇയ്യത്തുൽ ഉലമ കണ്ണൂർ ജില്ല സെക്രട്ടറിയുമായ കെ.ടി.അബ്ദുള്ള മൗലവി അന്തരിച്ചു

 ഇരിട്ടി:കണ്ണൂർ ജില്ലയിലെ പ്രമുഖ മത പണ്ഡിതനും 

കണ്ണൂർ ജില്ലാ ജംഇയ്യത്തുൽ ഉലമ സെക്രട്ടറിയും സമസ്ത ജില്ലാ മുശാവറ അംഗവും

സമസ്ത കേരള ജംഇയ്യത്തുൽ മുഅല്ലിമീൻ മുൻ സംസ്ഥാന ട്രഷററുമായിരുന്ന 

ഇരിട്ടി കീഴൂരിലെ ദാറുൽ റഹ്മ മൻസിലിൽ കെടി അബ്ദുല്ല മുസ്‌ലിയാർ (80) അന്തരിച്ചു.

 35 വർഷത്തോളം കാസർഗോഡ് ജില്ലയിലെ ജംഇയ്യത്തുൽ മുഅല്ലിമീൻ പ്രസിഡണ്ടായി ദീർഘകാലം പ്രവർത്തിച്ചിരുന്ന മൗലവി സമസ്തയുടെ സംസ്ഥാന ട്രഷറർ എന്ന നിലയിൽ കേരളമൊന്നാകെ നിറഞ്ഞു നിന്നു പ്രവർത്തിച്ച പ്രമുഖ നേതൃനിരയിലെ പ്രധാനിയായിരുന്നു പുന്നാട് റിയാസുൽ ഹിക്കം മദ്രസ സദർ മുഅല്ലിമായും മഹല്ല് ഖത്തീബ് ആയും ഏറെക്കാലം സേവനമനുഷ്ഠിച്ചിരുന്നു. സുന്നി മഹല്ല് ഫെഡറേഷൻ കണ്ണൂർ ജില്ലാ പ്രസിഡണ്ടായും. ആദ്യകാലത്ത് സമസ്ത ഇരിട്ടി റെയിഞ്ച് ജനറൽ സെക്രട്ടറിയായും പ്രവത്തിച്ചിട്ടുണ്ട്.

ഭാര്യ: റാബിയ

മക്കൾ: ഫാറൂഖ്, ഷഫീഖ് (വ്യാപാരി കൂത്തുപറമ്പ്), അബ്ദുൾ ഖാദർ (വ്യാപാരി കൂത്തുപറമ്പ്), മുനീർ (അധ്യാപകൻ,കണ്ണൂർ സിറ്റി ദീനുൽ ഇസ്ലാം സഭ ഹയർ സെക്കണ്ടറി സ്കൂൾ), ആയിഷ, ആരിഫ, ആബിദ.

മരുമക്കൾ: റയ്ഹാന, ഹഫ്സത്ത്, സുമൈയ്യ, സുഹൈമ (അധ്യാപിക പത്തൊൻപതാം മൈൽ സീൽ ഇംഗ്ലീഷ് മീഡിയം പബ്ലിക് സ്കൂൾ), നിസാർ (വ്യാപാരി ), സക്കീർ (സൗദി), മുനീർ (മദ്രസ അധ്യാപകൻ, കാട്ടാമ്പള്ളി മയ്യിൽ)

ഖബറടക്കം: ഇന്ന് (ഞായറാഴ്ച്ച) വൈകീട്ട് 7 മണിക്ക് കീഴൂർ ജുമാ മസ്ജിദ് ഖബർസ്ഥാനിൽ)