ഇരിട്ടി: ആറളം ഫാം സ്കൂള്‍ ആറാം ക്ലാസ് വിദ്യാര്‍ഥിനി ബസില്‍നിന്ന് വീണ് പരിക്കേറ്റ സംഭവത്തില്‍ ഡ്രൈവര്‍ക്കെതിരെ കേസ്.
ഒമ്ബതിന് വൈകീട്ട് 4.30 ഓടെയാണ് സംഭവം. സ്കൂള്‍ ബസില്‍ വീട്ടിലേക്ക് വന്നകുട്ടി ബ്ലോക്ക് 11ലെ വീടിനടുത്ത് ബസില്‍ നിന്നും ഇറങ്ങുമ്ബോള്‍ പാവാട ബസിന്റെ ഡോറില്‍ ഉടക്കിവീണാണ്‌ അപകടം നടന്നതെന്നാണ് പ്രാഥമിക വിവരം. ഡ്രൈവറുടെയും സഹായിയുടെയും ശ്രദ്ധക്കുറവാണ് അപകട കാരണമെന്നും പറയുന്നുണ്ട്.
കുട്ടി ഇറങ്ങി കഴിയുന്നതിനു മുമ്ബ് ഡോര്‍ അടഞ്ഞപ്പോള്‍ പാവാട ഡോറില്‍ കുടുങ്ങിയ കുട്ടിയുടെ കാലില്‍ ബസ് കയറുകയായിരുന്നു. കുട്ടി വീണ വിവരം അറിയാതെ ഡ്രൈവര്‍ വണ്ടിയെടുത്തു. കുട്ടിയേയും വലിച്ചുകൊണ്ട് ബസ് മുന്നോട്ടു പോയതാണ് പരിക്ക് ഗുരുതരമാകാൻ കാരണമെന്ന് പറയുന്നു. കാലിന് ഗുരുതരമായി പരിക്കേറ്റ കുട്ടിയെ ചൊവ്വാഴ്ച പ്ലാസ്റ്റിക് സര്‍ജറിക്ക് വിധേയമാക്കി. കുട്ടിയുടെ പിതാവിന്റെ പരാതി പ്രകാരം ആറളം പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.
إرسال تعليق