മഹാരാഷ്ട്രയില്‍ ട്രെയിനിന് തീപിടിച്ചു. അഹമ്മദ്‌നഗറില്‍ നിന്ന് അഷ്തിയിലേക്കുള്ള സബര്‍ബന്‍ ട്രെയിനിനാണ് തീപിടിച്ചത്. റിപ്പോര്‍ട്ടുകള്‍ വ്യക്തമാക്കുന്നത് അഞ്ച് കോച്ചുകള്‍ തീപിടിച്ചതായാണ്. സംഭവം നടന്നത് ഉച്ചകഴിഞ്ഞ് മൂന്ന് മണിയോടെയായിരുന്നു. നാല് ഫയര്‍ എഞ്ചിനുകള്‍ സ്ഥലത്തെത്തി വൈകിട്ട് 4.10ഓടെ തീയണച്ചു.
ആളപായമോ പരിക്കുകളോ റിപ്പോര്‍ട്ട് ചെയ്യപ്പെട്ടിട്ടില്ല. ദൗണ്ടില്‍ നിന്ന് റെയില്‍വേ അപകട ദുരിതാശ്വാസ ട്രെയിന്‍ ഈ സ്ഥലത്തേക്ക് അയച്ചു. തീ പടരുന്നതിന് മുമ്പ് സുരക്ഷിതമായി യാത്രക്കാരെയെല്ലാം പുറത്തെടുത്തതിനാല്‍ വന്‍ അപകടം ഒഴിവായി.
إرسال تعليق