“സ​മ്മാ​നം കി​ട്ടാ​ൻ ക​ടം വാ​ങ്ങി പ​ണം ന​ല്കി’; ഓ​ൺ​ലൈ​ൻ സൗ​ഹൃ​ദത്ത​ട്ടി​പ്പി​ൽ ഇരിട്ടിയിലെ വീ​ട്ട​മ്മ​യ്ക്കു ന​ഷ്‌​ടം ര​ണ്ട​ര​ല​ക്ഷം

ഇ​രി​ട്ടി: ഇ​രി​ട്ടി​യി​ൽ ഓ​ൺ​ലൈ​ൻ സൗ​ഹൃ​ദത്ത​ട്ടി​പ്പി​ലൂ​ടെ വീ​ട്ട​മ്മ​യ്ക്ക് ന​ഷ്‌​ട​മാ​യ​ത് ര​ണ്ട​ര ല​ക്ഷം രൂ​പ. ജ​ർ​മൻ സ്വ​ദേ​ശി​യാ​യ ഡോ​ക്‌​ട​ർ ഫ്രാ​ങ്കാ​ണെ​ന്ന് സ്വ​യം പ​രി​ച​യ​പ്പെ​ടു​ത്തി​യാ​ണ് ഫേസ്ബു​ക്കി​ലൂ​ടെ വീ​ട്ട​മ്മ​യു​മാ​യി സൗ​ഹൃ​ദം സ്ഥാ​പി​ച്ച​ത്. സൗ​ഹൃ​ദം വ​ള​ർ​ന്ന​പ്പോ​ൾ ഇ​രു​വ​രും ഫോ​ൺ ന​ന്പ​റു​ക​ൾ കൈ​മാ​റു​ക​യും ചെ​യ്തു.

ഗു​ഡ്മോ​ർ​ണിം​ഗി​ൽ തു​ട​ങ്ങി ഗു​ഡ്നൈ​റ്റി​ൽ അ​വ​സാ​നി​ക്കു​ന്ന സ​ന്ദേ​ശ​ങ്ങ​ൾ എ​ല്ലാ ദി​വ​സ​വും വാ​ട്സാ​പ്പി​ൽ കൈ​മാ​റി​യി​രു​ന്നു. ന​ല്ല സൗ​ഹൃ​ദ​മാ​യ​പ്പോ​ൾ സ്വ​ർ​ണ​വും യൂ​റോ​യും ഉ​ൾ​പ്പെ​ടെ യു​വ​തി​ക്ക് സ​മ്മാ​ന​മാ​യി അ​യ​ച്ചി​ട്ടു​ണ്ടെ​ന്ന് ജ​ർമൻ സ്വ​ദേ​ശി വാ​ട്സാ​പ്പി​ലൂ​ടെ അ​റി​യി​ച്ചു.

സ​മ്മാ​ന​ത്തി​ന്‍റെ വീ​ഡി​യോ ഉ​ൾ​പ്പെ​ടെ വീ​ട്ട​മ്മ​യ്ക്ക് ഫോ​ണി​ലൂ​ടെ ന​ല്കു​ക​യും ചെ​യ്തു.ഇ​തി​നി​ടെ, ഡ​ൽ​ഹി എ​യ​ർ​പോ​ർ​ട്ട് വ​ഴി എ​ത്തി​യ സ​മ്മാ​നം എ​യ​ർ​പോ​ർ​ട്ട് അ​ധി​കൃ​ത​ർ പി​ടി​ച്ചുവച്ചി​രി​ക്കു​ക​യാ​ണെ​ന്നും വി​ട്ടു ന​ൽ​കു​വാ​ൻ ര​ണ്ട​ര ല​ക്ഷ​ത്തി​ല​ധി​കം രൂ​പ ചെല​വാ​കു​മെ​ന്നും ര​ണ്ട​ര ല​ക്ഷം രൂ​പ ന​ൽ​കി​യാ​ൽ കോ​ടി​ക​ൾ വി​ല​മ​തി​ക്കു​ന്ന സ​മ്മാ​ന​മാ​ണ് ല​ഭി​ക്കു​ന്ന​തെ​ന്നും ജ​ർ​മൻ സ്വ​ദേ​ശി യു​വ​തി​യെ ഫോ​ണി​ലൂ​ടെ അ​റി​യി​ച്ചു.

ഇ​യാ​ളെ വി​ശ്വ​സി​ച്ച വീ​ട്ട​മ്മ ഗൂ​ഗി​ൾ പേ ​വ​ഴി ര​ണ്ട​ര​ല​ക്ഷ​ത്തോ​ളം രൂ​പ പ​ല ത​വ​ണ​യാ​യി ന​ല്കി​യെ​ങ്കി​ലും സ​മ്മാ​നം ല​ഭി​ച്ചി​ല്ല.​ അ​യ​ൽ വീ​ടു​ക​ളി​ൽനി​ന്നു വാ​ങ്ങി​യ സ്വ​ർ​ണം പ​ണ​യം വ​ച്ചും ക​ടം വാ​ങ്ങി​യു​മാ​ണ് സ്വ​കാ​ര്യ​സ്ഥാ​പ​ന​ത്തി​ൽ ജോ​ലി ചെ​യ്യു​ന്ന വീ​ട്ട​മ്മ പ​ണം ന​ൽ​കി​യ​ത്.

സ​മ്മാ​നം ല​ഭി​ക്കാ​ത്ത​പ്പോ​ൾ ഇ​രി​ട്ടി പോ​ലീ​സി​ൽ പ​രാ​തി ന​ല്കു​ക​യാ​യി​രു​ന്നു. ഓ​ൺ​ലൈ​ൻ സൗ​ഹൃ​ദം ന​ടി​ച്ച് യു​വ​തി​ക​ളി​ൽനി​ന്നും വീ​ട്ട​മ്മ​മാ​രി​ൽനി​ന്നും പ​ണം ക​ബ​ളി​പ്പി​ക്കു​ന്ന ഡ​ൽ​ഹി കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന സം​ഘ​മാ​ണ് ഇ​തി​ന് പി​ന്നി​ലെ​ന്ന് സം​ശ​യി​ക്കു​ന്ന​താ​യി പോ​ലീ​സ് പ​റ​ഞ്ഞു. കേ​സ് ര​ജി​സ്റ്റ​ർ ചെ​യ്ത ഇ​രി​ട്ടി പോ​ലീ​സ് സൈ​ബ​ർ പോ​ലീ​സി​ന് കൈ​മാ​റി,