വയനാട്ടിൽ മദ്യപിച്ച് ഭാര്യയേയും മക്കളേയും അമ്മയേയും മർദിച്ച യുവാവിനെ അടിച്ചുകൊന്ന സഹോദരൻ പൊലീസിൽ കീഴടങ്ങി

വയനാട്: മദ്യപിച്ച് ഭാര്യയേയും മാതാവിനേയും മക്കളേയും മർദിച്ച യുവാവിനെ സഹോദരൻ അടിച്ചു കൊന്നു. വയനാട് വാളാടാണ് സംഭവം. എടത്തന വേങ്ങണ മുറ്റം ജയചന്ദ്രൻ (41)സഹോദരന്റെ അടിയേറ്റ് മരിച്ചത്.

സ്ഥിരം മദ്യപാനിയായിരുന്ന ജയചന്ദ്രൻ കഴിഞ്ഞദിവസം രാത്രി മദ്യപിച്ച് വീട്ടിലെത്തി ഭാര്യയെയും മാതാവിനെയും കുട്ടികളെയും മർദിക്കുകയായിരുന്നു. ഇത് തടയാൻ ശ്രമിക്കുന്നതിനിടയിൽ സഹോദരൻ രാമകൃഷ്ണന്റെ അടിയേറ്റാണ് ജയചന്ദ്രൻ മരിച്ചത്.