ലൈബ്രറിയില് ഡിജിറ്റല് സാങ്കേതിക വിദ്യ ഉള്പ്പെടുത്തി നവീകരിക്കുന്നതിനും വിദ്യാര്ഥികള്ക്ക് മതിയായ സേവനം ഉറപ്പുവരുത്തുന്നതിനായി ക്വാളിറ്റി മാനേജ്മെന്റ് ആന്ഡ് മോണിറ്ററിംഗ് അഡ്മിനിസ്ട്രേഷന് നടപ്പാക്കാന് തുക വകയിരുത്തിയിട്ടുണ്ട്. സര്വകലാശാലയുടെ കീഴിലുള്ള വിദ്യാര്ഥികളുടെ കായികമായ കഴിവുകളെ പ്രോത്സാഹിപ്പിക്കുന്നതിനായി കായിക താരങ്ങള്ക്കുള്ള സ്കോളര്ഷിപ്പുകള്, ഇന്ര് കോളജിയേറ്റ്, ഇന്റര് യൂണിവേഴ്സിറ്റി മത്സരങ്ങള്, കാഷ് അവാര്ഡുകള് ട്രോഫികള് എന്നിവയ്ക്കായി 98 ലക്ഷം രൂപ ബജറ്റില് നീക്കിവച്ചിട്ടുണ്ട്.
മുന് വര്ഷത്തെ ബാക്കി ഉള്പ്പെടെ 248.51 കോടി രൂപ വരവും 241.45 കോടി രൂപ ചെലവും വര്ഷാവസാനം 7.07 കോടി രൂപ നീക്കിയിരുപ്പുമുള്ള ബജറ്റാണ് എന്. സുകന്യ ഇന്നലെ അവതരിപ്പിച്ചത്. പദ്ധതിയിനത്തില് സംസ്ഥാന സര്ക്കാരില് നിന്നും 42.29 കോടി രൂപ ലഭിക്കുമെന്ന പ്രതീക്ഷയിലാണ് പദ്ധതി ചെലവുകള് വിഭാവനം ചെയ്തിരിക്കുന്നത്.
പൊള്ളയായ ബജറ്റ്:
ഡോ. ആര്.കെ. ബിജു
കണ്ണൂര്: സര്വകലാശാല സിന്ഡിക്കേറ്റ് മീറ്റിംഗില് അവതരിപ്പിക്കപ്പെട്ട ബജറ്റ് റിപ്പോര്ട്ട് തയാറാക്കിയതില് വിശാലമായ കാഴ്ചപ്പാട് ഇല്ലാത്തതിനാല് ബജറ്റില് യാതൊരു പുതുമയും ഇല്ലെന്നും, തയാറാക്കിയിരിക്കുന്നത് പൊള്ളയായ റിപ്പോര്ട്ടാണെന്ന് സെനറ്റ് അംഗം ഡോ. ആര്.കെ. ബിജു അഭിപ്രായപ്പെട്ടു.
അടുത്ത ഒരു വര്ഷത്തേക്ക് വേണ്ടുന്ന കാര്യങ്ങള് തയാറാക്കുമ്ബോള് കഴിഞ്ഞ ഒരു വര്ഷം സര്വകലാ ശാലയ്ക്ക് ഉണ്ടായിട്ടുള്ള പിഴവുകള് പരിഹരിക്കപ്പെടുന്നതിനെങ്കിലും ഉതകുന്നതായിമാറേണ്ടതുണ്ട്.മലബാര് മേഖലയില് ഉന്നത വിദ്യാഭ്യാസ രംഗത്ത് ഏറ്റവും കൂടുതല് ആശ്രയിക്കുന്നതും, ഏറ്റവും ഒടുവില് രൂപീകൃതവുമായ കണ്ണൂര് സര്വകലാശാല സംസ്ഥാന സര്ക്കാരില്നിന്നും അടുത്ത ഒരു വര്ഷം പദ്ധതി ഇനത്തില് പ്രതീക്ഷിക്കുന്നത് കേവലം 42കോടി രൂപയോളം മാത്രമാണെന്ന് ഡോ. ബിജു പറഞ്ഞു.
إرسال تعليق