റോ​ഡ​രി​കി​ല്‍ നി​ര്‍​ത്തി​യി​ട്ട മൊ​ബൈ​ല്‍ കോ​ണ്‍​ക്രീ​റ്റ് മി​ക്സിം​ഗ് ട്ര​ക്ക് ദു​രൂ​ഹ സാ​ഹ​ച​ര്യ​ത്തി​ല്‍ ക​ത്തി ന​ശി​ച്ചു

ഇ​രി​ട്ടി: റോ​ഡ​രി​കി​ല്‍ നി​ര്‍​ത്തി​യി​ട്ട മൊ​ബൈ​ല്‍ കോ​ണ്‍​ക്രീ​റ്റ് മി​ക്സിം​ഗ് ട്ര​ക്ക് ദു​രൂ​ഹ സാ​ഹ​ച​ര്യ​ത്തി​ല്‍ ക​ത്തി ന​ശി​ച്ചു.

നേ​രം​പോ​ക്ക്- എ​ട​ക്കാ​നം റോ​ഡി​ല്‍ വ​ള്ളി​യാ​ട് വ​യ​ലി​നോ​ട് ചേ​ര്‍​ന്ന് കോ​ട്ട​ക്കു​ന്ന് കോ​ള​നി​ക്ക് മു​ന്‍​വ​ശം നി​ര്‍​ത്തി​യി​ട്ട കോ​ണ്‍​ക്രീ​റ്റ് മി​ക്സിം​ഗ് ട്ര​ക്കാ​ണ് ക​ത്തി​ന​ശി​ച്ച​ത്. ഇ​രി​ട്ടി മാ​ട​ത്തി​ല്‍ സ്വ​ദേ​ശി പി.​പി. ര​ജീ​ഷി​ന്‍റെ ഉ​ട​മ​സ്ഥ​ത​യി​ലു​ള്ള​താ​ണ് കോ​ണ്‍​ക്രീ​റ്റ് മി​ക്സ​ര്‍. ഇ​ന്ന​ലെ പു​ല​ര്‍​ച്ചെ ര​ണ്ടോ​ടെ തീ ​ആ​ളി​ക്ക​ത്തു​ന്ന​ത് ശ്ര​ദ്ധ​യി​ല്‍​പെ​ട്ട സ​മീ​പ​വാ​സി​ക​ള്‍ ഇ​രി​ട്ടി അ​ഗ്നി​ശ​മ​ന​സേ​ന​യെ​യും പോ​ലീ​സി​നെ​യും വി​വ​ര​മ​റി​യി​ക്കു​ക​യാ​യി​രു​ന്നു. അ​ഗ്നി​ശ​മ​ന​സേ​ന എ​ത്തി​യാ​ണ് തീ ​അ​ണ​ച്ച​ത്.

പ്ര​ദേ​ശ​ത്ത് രാ​ത്രി​യി​ലും ഇ​ട​യ്ക്കി​ടെ ശ​ക്ത​മാ​യ മ​ഴ പെ​യ്തി​രു​ന്നു. ഇ​തി​നി​ട​യി​ലും ഇ​ത്ത​രം ഒ​രു വാ​ഹ​നം ക​ത്തി​ന​ശി​ച്ച​തി​ന്‍റെ കാ​ര​ണം ദു​രൂ​ഹ​മാ​ണ്. ജ​ന​വാ​സ​മേ​ഖ​ല​യും നി​ര​ന്ത​രം വാ​ഹ​ന​ങ്ങ​ള്‍ ക​ട​ന്നു പോ​കു​ന്ന റോ​ഡു​മാ​ണി​ത്. വാ​ഹ​നം നി​ര്‍​ത്തി​യി​ട്ട സ്ഥ​ല​ത്തി​ന് ഇ​രു​പ​ത് മീ​റ്റ​ര്‍ മാ​ത്രം അ​ക​ല​ത്തി​ലാ​ണ് കോ​ട്ട​ക്കു​ന്ന് ആ​ദി​വാ​സി കോ​ള​നി​യി​ലെ വീ​ടു​ക​ള്‍ സ്ഥി​തി​ചെ​യ്യു​ന്ന​ത്.

അ​തു​കൊ​ണ്ടു​ത​ന്നെ തീ​പി​ടി​ച്ച്‌ ഡീ​സ​ല്‍ ടാ​ങ്ക് പൊ​ട്ടി​ത്തെ​റി​ച്ചി​രു​ന്നെ​ങ്കി​ല്‍ അ​തൊ​രു വ​ലി​യ അ​ത്യാ​ഹി​ത​ത്തി​നും ഇ​ട​യാ​ക്കു​മാ​യി​രു​ന്നു. മേ​ഖ​ല​യി​ലെ ചി​ല റോ​ഡു​ക​ളു​ടെ കോ​ണ്‍​ക്രീ​റ്റ് ജോ​ലി​ക്കാ​യി കൊ​ണ്ടു​വ​ന്ന​താ​യി​രു​ന്നു ട്ര​ക്ക്. ക​ത്തി​ന​ശി​ച്ച മൊ​ബൈ​ല്‍ കോ​ണ്‍​ക്രീ​റ്റ് മി​ക്സിം​ഗ് ട്ര​ക്കി​ന് 36 ല​ക്ഷം രൂ​പ വി​ല​വ​രും.

സം​ഭ​വ​ത്തി​ല്‍ ദു​രൂ​ഹ​ത ആ​രോ​പി​ച്ച്‌ ര​ജീ​ഷ് ന​ല്‍​കി​യ പ​രാ​തി​യി​ല്‍ പോ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.