പാലക്കാട്: കേരളം ഫലം അറിയാന്‍ ഏറെ ആകാംഷയോടെ കാത്തിരിക്കുന്ന പാലക്കാട് ആദ്യ മണിക്കൂറില്‍ നിലനിര്‍ത്തിയ ലീഡിന് പിന്നാലെ കൃഷ്ണകുമാറിനെ പിന്നിലാക്കി കോണ്‍ഗ്രസ് സ്ഥാനാര്‍ത്ഥി രാഹുല്‍ മാങ്കൂട്ടത്തിന്റെ കുതിപ്പ്. ബിജെപിയുടെ ശക്തികേന്ദ്രങ്ങളില്‍ കുടി കടന്നുകയറി ലീഡ് പിടിച്ച രാഹുല്‍ മാങ്കൂട്ടത്തില്‍ ഇപ്പോള്‍ 1228 വോട്ടുകള്‍ക്ക് മുന്നില്‍.
ഇതോടെ ആദ്യ മണിക്കൂറുകളില്‍ മുന്നേറ്റമുണ്ടാക്കിയ ബിജെപി സ്ഥാനാര്‍ത്ഥി സി. കൃഷ്ണകുമാര്‍ രണ്ടാം സ്ഥാനത്തായി. രാഹുലിന്റെ ലീഡ് വാര്‍ത്ത വന്നതോടെ യുഡിഎഫ് ക്യാമ്പില്‍ ആഹ്‌ളാദത്തിരയിളക്കം. ആദ്യം മുതല്‍ വോട്ടെണ്ണലില്‍ മുന്നില്‍ നിന്ന സി. കൃഷ്ണകുമാറിനെ വോട്ടെണ്ണല്‍ അടുത്ത ഘട്ടത്തിലേക്ക് കടന്നതോടെയാണ് രാഹുല്‍മാങ്കൂട്ടത്തില്‍ പിന്നിലാക്കിയത്.
അതേസമയം കോണ്‍ഗ്രസില്‍ നിന്നും ഇടതുപക്ഷത്തേക്ക് ചാട്ടം നടത്തി മത്സരിച്ച പി. സരിന് ഒരു ഘട്ടത്തില്‍ പോലും മുന്നിലെത്താന്‍ കഴിഞ്ഞില്ല. എല്‍ഡിഎഫ് ചിത്രത്തില്‍ പോലുമില്ല എന്നത് പാലക്കാട് ബിജെപി - കോണ്‍ഗ്രസ് മത്സരത്തിന്റെ സൂചനകളാകുന്നു. അതേസമയം ബിജെപിയ്ക്ക് കണക്കൂകൂട്ടലുകള്‍ പിഴച്ചെങ്കിലും യുഡിഎഫിനും പ്രതീക്ഷിച്ച മുന്നേറ്റം ഉണ്ടാക്കാന്‍ കഴിഞ്ഞില്ലെന്നാണ് വിലയിരുത്തല്‍.
Post a Comment