വിഷ്ണുപ്രിയ വീട്ടില്‍ തനിച്ചായ സമയത്ത് ബാഗില്‍ മാരകായുധങ്ങളുമായെത്തിയാണ് പ്രതി ആക്രമിച്ചത്. ചുറ്റികകൊണ്ട് തലക്കടിച്ച ശേഷം ഇരുകൈകള്‍ക്കും പരിക്കേല്‍പിച്ച്‌ കഴുത്തറുത്തുകൊലപ്പെടുത്തിയെന്നാണ് കേസ്. കൊല നടത്തിയ ശേഷം രക്ഷപ്പെട്ട ശ്യാംജിത്തിനെ മണിക്കൂറുകള്‍ക്കകം മാനന്തേരിയിലെ ചായക്കടയില്‍ നിന്ന് അന്വേഷകസംഘം പിടികൂടി. പ്രതി അന്നു മുതല്‍ ജുഡീഷ്യല്‍ കസ്റ്റഡിയിലാണ്.
വിഷ്ണുപ്രിയയെ വധിക്കാനായി ഉപയോഗിച്ച കത്തിയുള്‍പ്പെടെ വാങ്ങിയത് കൂത്തുപറമ്ബിലെ ഒരു കടയില്‍ നിന്നാണെന്ന് പൊലിസ് അന്വേഷണത്തില്‍ തെളിഞ്ഞിരുന്നു. ശ്യാംജിത്തിന്റെ ചോരപുരണ്ട വസ്ത്രങ്ങളും മറ്റും വീടിനടുത്തെ ഒരുകുളത്തില്‍ നിന്നും കണ്ടെത്തിയിരുന്നു. താനുമായി സൗഹാർദമുണ്ടായിരുന്ന വിഷ്ണുപ്രിയ മറ്റൊരാളുമായി സോഷ്യല്‍ മീഡിയയിലൂടെ ബന്ധം പുലർത്തുകയും തന്റെ അവഗണിക്കുകയും ചെയ്തുവെന്ന വൈരാഗ്യത്തിലാണ് ശ്യാംജിത്തുകൊല നടത്തിയതെന്നാണ് പൊലിസ് അന്വേഷണത്തില്‍ തെളിഞ്ഞത്.
കൊല്ലപ്പെടുന്ന സമയത്ത് വിഷ്ണുപ്രിയയുടെ ഫോണിലെ വീഡിയോകോള്‍ ദൃശ്യം കേസില്‍ നിർണായകമായ തെളിവായി പരിഗണിച്ചിരുന്നു.2023-സെപ്റ്റംബർ 21-നാണ് കേസിന്റെ വിചാരണ തുടങ്ങിയത്. സംഭവം നടന്ന് ഒരുവർഷം പൂർത്തിയാകും മുൻപെ വിചാരണ തുടങ്ങിയിരുന്നു. പ്രതി ജുഡീഷ്യല്‍ കസ്റ്റഡിയിലായതിനാണ് വിചാരണ വേഗത്തിലായത്. കേസില്‍ 73-സാക്ഷികളാണുള്ളത്.
പാനൂരിലെ ഒരു സ്വകാര്യ ആശുപത്രിയില്‍ ഫാമസിസ്റ്റായി ജോലി ചെയ്തുവരികയായിരുന്നു വിഷ്ണുപ്രിയ. ദൃക്സാക്ഷികളില്ലാത്ത കേസില്‍ സാഹചര്യ തെളിവും ശാസ്ത്രീയ തെളിവുകളും കോടതിയില്‍ വിചാരണ വേളയില്‍ ഹാജരാക്കിയിരുന്നു. കൊലപാതകം നടന്നത് രാവിലെ പത്തിനും ഉച്ചയ്ക്കു പന്ത്രണ്ടിനുമിടയിലാണെന്നാണ് പൊലിസ് കോടതിയില്‍ നല്‍കിയ കുറ്റപത്രത്തില്‍ പറയുന്നത്.
സംഭവത്തിന് രണ്ടു ദിവസം മുൻപാണ് പ്രതി കൂത്തുപറമ്ബിലെ കടയില്‍ നിന്നും ചുറ്റികയും കൈയുറയും വാങ്ങിയിരുന്നു. ഇതിന്റെ സി.സി.ടി.വി ക്യാമറാ ദൃശ്യങ്ങള്‍ പബ്ളിക് പ്രൊസിക്യൂട്ടർ കെ. അജിത്ത് കുമാർ കോടതിയില്‍ ഹാജരാക്കിയിരുന്നു. പ്രതിഭാഗത്തിന് വേണ്ടി അഡ്വ. എസ്. പ്രവീണ്‍, അഡ്വ. അഭിലാഷ് മാത്തൂർ എന്നിവരാണ് ഹാജരായത്.
Post a Comment