ആരോഗ്യ വകുപ്പ് സംസ്ഥാനത്ത് ഉയര്ന്ന ചൂട് റിപ്പോര്ട്ട് ചെയ്ത സാഹചര്യത്തില് പൊതുജനങ്ങള്ക്കായി ജാഗ്രതാ നിര്ദേശങ്ങള് പുറപ്പെടുവിച്ചതായി ആരോഗ്യ മന്ത്രി വീണാ ജോര്ജ്.
ചൂട് വര്ധിക്കുന്നതിനാല് നിര്ജലീകരണവും ദേഹാസ്വാസ്ഥ്യവും ഉണ്ടാകാന് സാധ്യതയുണ്ട്. അതിനാല് ദാഹം തോന്നിയില്ലെങ്കിലും ധാരാളം വെള്ളം കുടിക്കണം. സൂര്യാതപമേല്ക്കാനുള്ള സാധ്യതയുള്ളതിനാല് നേരിട്ട് വെയില് ഏല്ക്കാതിരിക്കാന് ശ്രദ്ധിക്കണം. വെയിലത്ത് ജോലി ചെയ്യേണ്ടി വരുന്ന അവസരങ്ങളില് പകല് 11 മണി മുതല് 3 മണിവരെയുള്ള സമയം വിശ്രമവേളയായി പരിഗണിച്ച് ജോലി സമയം ക്രമീകരിക്കുക.
സൂര്യാതപവുമായി ബന്ധപ്പെട്ട ആരോഗ്യ പ്രശ്നങ്ങള് കണ്ടെത്തിയാല് മതിയായ ചികിത്സ ഉറപ്പുവരുത്തണമെന്നും എല്ലാ പി.എച്ച്.സി/സി.എച്ച്.സി മെഡിക്കല് ഓഫീസര്മാര്ക്കും, താലൂക്ക്/ജില്ലാ/ജനറല് ആശുപത്രി/മെഡിക്കല് കോളേജ് സൂപ്രണ്ടുമാര്ക്കും അടിയന്തിര നിര്ദേശം നല്കിയിട്ടുണ്ടെന്നും മന്ത്രി വ്യക്തമാക്കി.
Post a Comment