ഇരിട്ടി: തലശ്ശേരി-വളവുപാറ അന്തര്‍ സംസ്ഥാന പാതയില്‍ കെ.എസ്.ടി.പി നവീകരണ പദ്ധതിയിലുള്‍പ്പെടുത്തി സ്ഥാപിച്ച സോളാര്‍ വഴിവിളക്കുകള്‍ ഒന്നൊന്നായി നിലംപൊത്തുന്നു.
ഇവ സ്ഥാപിച്ച ആദ്യ നാളുകളില്‍ നന്നായി പ്രകാശിച്ചിരുന്നു. ഇപ്പോള്‍ ഒന്നും കാത്താത്ത അവസ്ഥയാണ്. ഇങ്ങനെ തുലക്കാനുള്ളതാണോ ഖജനാവിലെ പൊതുപണം.
പൊതുജനത്തിന് ഇങ്ങനെ ചോദിക്കുകയാല്ലാതെ മറ്റൊന്നും നിവൃത്തിയില്ല. നവീകരണം പൂര്‍ത്തിയാക്കിയ റോഡ് കെ.എസ്.ടി.പി പൊതുമരാമത്ത് വകുപ്പിന് കൈമാറി. സോളാര്‍ ലൈറ്റുകള്‍ പഞ്ചായത്തുകളുടെ തലയില്‍ കെട്ടിവെക്കാനുള്ള നീക്കമാണ് ഇപ്പോള്‍ നടക്കുന്നത്.
തൂങ്ങി നില്‍ക്കുന്ന ബാറ്ററികള്‍
സോളാര്‍ വഴിവിളക്കിന്റെ തൂണില്‍ സ്ഥാപിച്ച ബാറ്ററികള്‍ യാത്രക്കാരുടെ തലയില്‍ വീഴാറായി നില്‍ക്കുന്നത് അപകടഭീഷണിയും ഉണ്ടാക്കുന്നു. ബാറ്ററികള്‍ സ്ഥാപിച്ച സംവിധാനം തുരുമ്ബെടുത്ത നശിച്ച നിലയിലാണ്. ചിലയിടങ്ങളില്‍ ബാറ്ററികള്‍ താഴെ വീണു കഴിഞ്ഞു. ഇരുപതിനായിരത്തോളം രൂപ വില വരുന്ന ബാറ്ററികള്‍ പിന്നെ അപ്രത്യക്ഷമാവുകയാണ്. വഴിവിളക്കുകള്‍ തെളിഞ്ഞില്ലെങ്കിലും പ്രശ്‌നമില്ല ഇവയൊന്ന് റോഡില്‍ നിന്നും മാറ്റി തന്നാല്‍ മതി. തലയില്‍ വീണുള്ള അപകടമെങ്കിലും ഒഴിവാക്കാം എന്നാണ് ആളുകള്‍ പറയുന്നത്.
Post a Comment