നിലവില്‍ താല്‍ക്കാലിക നിയമനം നടത്താൻ ജില്ലതലത്തില്‍ ക്രമീകരണം ഉണ്ടാക്കാൻ പറ്റുമോയെന്ന് പരിശോധിക്കാൻ മന്ത്രി കൂടെയുണ്ടായിരുന്ന ഹെല്‍ത്ത് ഡയറക്ടര്‍ക്കും ജില്ല മെഡിക്കല്‍ ഓഫിസര്‍ക്കും നിര്‍ദേശം നല്‍കിയിരുന്നു. ഇതിന്റെ അടിസ്ഥാനത്തില്‍ താലൂക്കാശുപത്രി നല്‍കിയ അപേക്ഷയില്‍ രണ്ട് മാസം കഴിഞ്ഞിട്ടും ഒരു നടപടിയും ഉണ്ടായിട്ടില്ല.
2017 ആഗസ്റ്റ് 28ന് അന്നത്തെ ആരോഗ്യമന്ത്രി കെ.കെ ശൈലജയാണ് മാതൃ ശിശുവാര്‍ഡ് ഉദ്ഘാടനം ചെയ്തത്. ആറുമാസത്തിനുള്ളില്‍ പ്രസവ ചികിത്സ ആശുപത്രിയില്‍ യാഥാര്‍ഥ്യമാവുമെന്നായിരുന്നു മന്ത്രിയുടെ ഉദ്ഘാടന പ്രസംഗം. പ്രസവ ശസ്ത്രക്രിയ വിഭാഗത്തിനായി വാങ്ങിയ ലക്ഷങ്ങളുടെ ഉപകരണങ്ങളും മറ്റ് സംവിധാനങ്ങളും ഉപയോഗിക്കാത്തതിനാല്‍ തുരുമ്ബെടുത്തും പൊടിയും മാറാലയും പിടിച്ച്‌ നശിക്കുകയാണ്. ഗൈനക്കോളജി വിഭാഗത്തില്‍ രണ്ട് ഡോക്ടര്‍മാരുടെ സേവനം ആശുപത്രിയില്‍ ലഭ്യമാകുന്നുണ്ട്. പ്രസവ ചികിത്സ വിഭാഗം ആരംഭിക്കുമ്ബോള്‍ രണ്ട് ഡോക്ടറുടെ സേവനം കൂടി ഉറപ്പു വരുത്തണം.
കൂടാതെ കുട്ടികളുടെ വിഭാഗവും ആരംഭിക്കണം. ഇതിനുള്ള ശ്രമങ്ങളും ഫലം കാണുന്നില്ല. ആശുപത്രിയുടെ ഒ.പി വാര്‍ഡിന്റെ ഒന്നാം നിലയിലാണ് മാതൃശിശു വാര്‍ഡിനായുള്ള സൗകര്യം ഒരുക്കിയത്. ഇവിടേക്കുള്ള ഗേറ്റ് പൂട്ടിയിട്ടിരിക്കുകയാണ്. ദിനംപ്രതി 300നും 500നും ഇടയില്‍ രോഗികള്‍ എത്തുന്ന ആശുപത്രിയുടെ അവസ്ഥ ദയനീയമാണ്.
Post a Comment