തിരുവനന്തപുരം> കേരളത്തില് ഇന്ന് ശക്തമായ മഴയ്ക്ക് സാധ്യതയെന്ന് കാലാവസ്ഥാ വകുപ്പ്.അറബിക്കടലില് വരുംമണിക്കൂറുകളില് രൂപപ്പെടുന്ന ന്യൂനമര്ദ്ദത്തിന്റെ സ്വാധീനഫലമായി സംസ്ഥാനത്ത് ഇന്ന് പരക്കെ ശക്തമായ മഴയ്ക്ക് സാധ്യതയെന്ന് കാലാവസ്ഥാ വകുപ്പ് അറിയിച്ചു.
ജാഗ്രതയുടെ ഭാഗമായി 12 ജില്ലകളില് കേന്ദ്ര കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു. പാലക്കാട്,തൃശൂര് ഒഴികെയുള്ള ജില്ലകളില് ഒറ്റപ്പെട്ട സ്ഥലങ്ങളില് ശക്തമായ മഴയാണ് പ്രവചിക്കുന്നത്.
തെക്ക് കിഴക്കന് അറബിക്കടലിനും ലക്ഷദ്വീപിനും മുകളിലായി ചക്രവാതചുഴി അടുത്ത 36 മണിക്കൂറിനുള്ളില് തെക്ക് കിഴക്കന് അറബിക്കടലിനും മധ്യ കിഴക്കന് അറബിക്കടലിനും മുകളിലായി ന്യൂനമര്ദ്ദമായി ശക്തിപ്രാപിക്കാന് സാധ്യതയെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പില് പറയുന്നത്. തുടര്ന്ന് പടിഞ്ഞാറ്- വടക്ക് പടിഞ്ഞാറ് ദിശയിലേക്ക് നീങ്ങി ഒക്ടോബര് 21 ഓടെ വീണ്ടുംശക്തി പ്രാപിച്ചു മധ്യ അറബിക്കടലില് തീവ്ര ന്യൂനമര്ദ്ദമായി മാറാനും സാധ്യതയുള്ളതിനാല് ജാഗ്രത പാലിക്കണമെന്നും കാലാവസ്ഥ വകുപ്പിന്റെ മുന്നറിയിപ്പില് പറയുന്നു.
വടക്ക് കിഴക്കന് ബംഗാള് ഉള്ക്കടലിനു മുകളിലും തമിഴ്നാട് തീരത്തിന് മുകളിലും മറ്റുരണ്ടു ചക്രവാത ചുഴികള് കൂടി നിലനില്ക്കുന്നുണ്ട്. ഇതിന്റെയെല്ലാം സ്വാധീനഫലമായി അടുത്ത അഞ്ചുദിവസം കേരളത്തില് ഇടിമിന്നലോട് കൂടിയ ഇടത്തരം മഴയണ്ടാകുമെന്ന് കാലാവസ്ഥാ വകുപ്പ് അറിയിച്ചു.
Post a Comment