ചെറുപുഴ: കാട്ടുപന്നിക്കൂട്ടം കോഴിഫാമിലെ മുന്നൂറ്റി അമ്ബതോളം കോഴികളെ കടിച്ചു കൊന്നു. ഈസ്‌റ്റ് എളേരി പഞ്ചായത്തിലെ ഒന്നാം വാര്‍ഡില്‍പ്പെട്ട അന്‍പത്തിയാറ്‌തട്ട്‌ ഉദയപുരത്തെ പെരക്കോണില്‍ ജോസിന്റെ കോഴികളെയാണ്‌ കാട്ടുപന്നികള്‍ കടിച്ചു കൊന്നത്‌.
സമീപത്തെ ചൂരപ്പൊയ്‌കയില്‍ മാത്യുവിന്റെ കപ്പ, ചേന എന്നിവയും കാട്ടുപന്നികള്‍ വ്യാപകമായി നശിപ്പിച്ചു. രാത്രിയാകുന്നതോടെ കാട്ടുപന്നികള്‍ കൂട്ടമായി കൃഷിയിടത്തിലേയ്‌ക്കിറങ്ങുന്നത്‌ നിസഹായതയോടെ നോക്കി നില്‍ക്കാനേ കര്‍ഷകര്‍ക്ക്‌ കഴിയുന്നുള്ളൂ. കൃഷികള്‍ നശിപ്പിക്കുന്നത്‌ പതിവാണെങ്കിലും കോഴികളെ കൊല്ലുന്നത്‌ ആദ്യ സംഭവമാണ്‌. കമ്മാടം കാവില്‍ നിന്നും ചട്ടമല ഫോറസ്‌റ്റില്‍ നിന്നുമാണ്‌ കാട്ടുപന്നികള്‍ കൃഷിയിടത്തില്‍ ഇറങ്ങുന്നതെന്ന്‌ കര്‍ഷകര്‍ പറയുന്നു.
Post a Comment