ഇടുക്കി: പൊറോട്ട തൊണ്ടയിൽ കുടുങ്ങി യുവാവ് മരിച്ചു. പൂപ്പാറ സ്വദേശി ബാലാജി(34) ആണ് മരിച്ചത്. കട്ടപ്പനയിലെ ഹോട്ടലിൽ നിന്നും പാഴ്സൽ വാങ്ങി കഴിച്ചപ്പോളാണ് ഭക്ഷണം തൊണ്ടയിൽ കുടുങ്ങിയത്. സുഹൃത്ത് ഉടനടി കട്ടപ്പനയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
കട്ടപ്പനയിലേയും പരിസര പ്രദേശങ്ങളിലേയും തോട്ടങ്ങളിലേയ്ക്ക് വളം എത്തിയ്ക്കുന്ന ലോറിയിലെ സഹായിയായിരുന്നു ബാലാജി. വിവിധ സ്ഥലങ്ങളിലേയ്ക്കുള്ള വളം ഇറക്കിയ ശേഷം, ലോഡ്ജിലേയ്ക്ക് മടങ്ങുന്നതിന് മുന്‍പ് ഹോട്ടലില്‍ നിന്നും ഭക്ഷണം വാങ്ങുകയായിരുന്നു. തുടര്‍ന്ന് ലോറിയില്‍ ഇരുന്ന് ഭക്ഷണം കഴിച്ചു.
തൊണ്ടയില്‍ ഭക്ഷണം കുടുങ്ങിയതോടെ ശ്വാസ തടസം അനുഭവപെടുകയും, ഒപ്പമുണ്ടായിരുന്ന സുഹൃത്ത് ഉടന്‍ തന്നെ ആശുപത്രിയില്‍ എത്തിയ്ക്കുകയും ചെയ്തു. എന്നാല്‍ മരണം സംഭവിയ്ക്കുകയായിരുന്നു. മൃതദേഹം പോസ്റ്റ്മാര്‍ട്ടത്തിനായി ഇടുക്കി മെഡിക്കല്‍ കോളജിലേയ്ക്ക് മാറ്റി
Post a Comment