ഇരിട്ടി: ബംഗളൂരുവിൽ നിന്നും കണ്ണൂരിലേക്ക് കാറിൽ കടത്തവെ 26 ഗ്രാം എം ഡി എം എ യുമായി 3 പേർ ഇരിട്ടി പോലീസിന്റെ പിടിയിലായി. കാക്കയങ്ങാട് സ്വദേശി റാഷിദ് മൻസിലിൽ മുഹമ്മദ് റാഫിക്ക് (28) , അഞ്ചരക്കണ്ടി സ്വദേശികളായ പുതിയ വളപ്പിൽ ജാബിർ (35), പൊട്ടളപ്പൊയിൽ ഷബീർ (39) എന്നിവരെയാണ് ഇരിട്ടി പോലീസ് പിടികൂടി അറസ്റ്റ് ചെയ്തത്. കണ്ണൂർ ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഇരിട്ടി സി ഐ കെ.ജെ. ബിനോയി, പ്രിൻസിപ്പൽ എസ് ഐ ദിനേശൻ കൊതേരി വനിതാ എസ് ഐ ശ്യാമള, സിവിൽ പോലീസ് ഓഫീസർ നിജേഷ് എന്നിവർ ചേർന്ന് നടത്തിയ വാഹന പരിശോധനക്കിടെയാണ് ഇവർ പിടിയിലാകുന്നത്. ഇരിട്ടി ഭൂരേഖാ തഹസിൽദാർ എം. ലക്ഷ്മണന്റെ നേതൃത്വത്തിൽ ഇവരുടെ രേഖകളും പരിശോധിച്ചു. കണ്ണൂർജില്ലയിലേക്ക് മയക്കുമരുന്നുകൾ കടത്തുന്ന പ്രധാനകണ്ണികളിൽ പെട്ടവരാണ് പോലീസിന്റെ പിടിയിലായിരുന്നത്.
Post a Comment