തിരുവനന്തപുരം: യുവജന,വിദ്യാര്‍ഥി വിഭാഗങ്ങളില്‍ മദ്യത്തിന്റെ സ്വാധീനം കൂടുതലാണെന്ന മന്ത്രി എംവി ഗോവിന്ദന്റെ പരാമര്‍ശത്തെ പിന്തുണച്ച് ഡിവൈഎഫ്‌ഐ. മന്ത്രി ഉദ്ദേശിച്ചത് യുവജന സമൂഹത്തിനിടയില്‍ വര്‍ദ്ധിച്ചുവരുന്ന അമിത മദ്യപാനത്തെയാണ്. ഇക്കാര്യത്തില്‍ ആശങ്ക പ്രകടിപ്പിക്കാനുള്ള അവകാശം മന്ത്രി എം.വി. ഗോവിന്ദന്‍ മാസ്റ്റര്‍ക്കുണ്ടെന്നും ഡിവൈഎഫ്‌ഐ വ്യക്തമാക്കി.
വിദ്യാര്‍ഥി, യുവജന സംഘടനകളില്‍ പ്രവര്‍ത്തിക്കുന്നവരില്‍ ഭൂരിഭാഗവും മദ്യപാനികളാണെന്ന് മന്ത്രി എം.വി.ഗോവിന്ദന്‍ പറഞ്ഞു എന്ന രീതിയിലാണ് ആദ്യം വാര്‍ത്തകള്‍ വന്നത്. ലഹരി വിരുദ്ധ ദിനാചരണത്തിന്റെ സംസ്ഥാനതല ഉദ്ഘാടനം നിര്‍വഹിച്ച് സംസാരിക്കുന്നതിനിടെയാണ് മന്ത്രി ഇക്കാര്യം പറഞ്ഞത്.
Post a Comment